S Development-ი აცხადებს კონკურსს სტარტაპებისა და ბიზნესიდეების დაფინანსებაზე.
ბიზნესგეგმის წარმოდგენა შეუძლია ნებისმიერ დაინტერესებულ ფიზიკურ, ან იურიდიულ პირს. ბიზნესიდეის დაფინანსების მოპოვება დასაშვებია ნებისმიერ სფეროსა თუ დარგში, რომელიც არ არის აკრძალული საქართველოს კანონმდებლობით (განიხილება ტექნოლოგიური სიახლეები, მომსახურება, წარმოება, გადამუშავება, ელექტრონული სერვისები და ბიზნესის ნებისმიერი სხვა).
ბიზნესგეგმა უნდა იყოს ეკონომიკურად კარგად დასაბუთებული და საინვესტიციო თვალსაზრისით მიმზიდველი.
S Development-ის დაფინანსების ოდენობა განსაზღვრულია - 150 000 ლარით.
უპირატესობა მიენიჭება ნაკლები ბიუჯეტის მქონე პროექტებს. ამავე დროს, ბიზნეს გეგმა შესაძლებელია ითვალისწინებდეს თანადაფინანსების სხვა (პროექტის ავტორის მიერ მოძიებულ) წყაროს.
პროექტების შემოტანისა და გადაწყვეტილების მიღების პროცედურები:
- S Development-ის საინვესტიციო სამსახურის მიერ მოხდება შემოსული ბიზნესიდეების, საპროექტო წინადადებების შერჩევა;
- 10 საუკეთესო პროექტების ავტორთან გაიმართება გასაუბრება;
- დაფინანსების თაობაზე გადაწყვეტილების მიღება.
ბიზნესგეგმა (პროექტი და მისი ბიუჯეტი), უნდა ითვალისწინებდეს:
- ინვესტირებული თანხის დაცვის გარანტიებს (თავისუფალი ფორმით);
- ინვესტირებული თანხის დაბრუნების გრაფიკს;
- მოგების განაწილების პრინციპსა და დროს (ვადას);
- გრძელვადიან პერიოდში თანამშრომლობის შესაძლებლობას.
გამარჯვებული პროექტის ავტორს, შესაძლებელია:
- გადაეცეს ფულადი პრემია, ან
- მოწვეულ იქნეს, შემოთავაზებული ბიზნესის პარტნიორად და/ან ხელმძღვანელად.
საპროექტო წინადადების პაკეტი უნდა მოიცავდეს:
- ავტობიოგრაფიას (CV);
- მოკლე სინოფსისის სახით ჩამოყალიბებული იდეას (მაქსიმუმ 300 სიტყვა);
- თავისუფალი ფორმით შედგენილ ბიზნესგეგმას (დასაბუთებული ბიუჯეტით).
გთხოვთ, განსახილველად დოკუმენტაცია გამოგზავნოთ ელ-ფოსტის მისამართზე citydevelopment.net@gmail.com
პროექტის წარდგენის ბოლო ვადა არის 2024 წლის 30 აპრილი.
გისურვებთ წარმატებას.